CAGAYAN DE ORO CITY- Gitawag karon ni kanhi City Mayor Vicente Emano nga pagpangawat sa buhis sa katawhan ang gihimo ni City Mayor Oscar Moreno ngadto sa mga benepesaryo sa ‘piso-piso’ lot program sa syudad.
Kini human gimando sa Moreno administration nga angay bayran sa mga benepesaryo ang ilang gipuy-an nga yuta.
Miingon si Emano nga salapi sa katawhan ang gipalit sa maong mga luna sa yuta,rason nga balor peso lamang ang gisingil kanila kaniadto sa iyang administrasyon.
Una nang gipalugwa ni Emano nga kasuhan sa syudad si Kag Leon Gan tungod sa giingong pagpugong nga mobayad ang mga benepersaryo ngadto sa syudad.
Samtang dili libre apan may obligasyon ang mga benepesaryo nga bayran ang luna sa yuta nga ilang gi-okupahan ning panahona.
Pagtin-aw kini ni Atty Edgar Cabanlas,head sa Task Force for the Emancipation of Piso-Piso Beneficiaries o TFEPB sukwahi sa gipasiatab ni kanhi City Mayor Vicente Emano.
Miingon si Cabanlas nga subay sa balaod dili mahimong libre sa hingpit ang paghatag sa yuta apan may obligasyon ang piso-piso lot beneficiaries ilabina nga salapi as katawhan ang gigamit pagpalit sa mga yuta.
Gihimakak usab ni Cabanlas nga naglaraw sila pagkaso kang Gan kinsa giingong mi-kuwestiyon sa gihimo sa dakbayan sa kanhi programa ni Emano.
