CAGAYAN DE ORO CITY-Kasuhan sa kapolisan ang driver sa oil tanker nga nakabangga-patay sa duha ka motorista nga unang nahitabo sa Purok 8,Sitio Maitom,Brgy Puerto ning syudad.
Giila ang mga namatay nga si Ronald Abugade,38 anyos nga taga-Brgy Ala-i,Manolo Fortich,Bukidnon ug Orlando Bajan,39 anyos nga residente sa Brgy Mat-i,Claveria,Misamis Oriental.
Gibutyag ni PO2 Eldie Lumantas,traffic investigator sa Puerto Police Station nga maoy ilang kasuhan si Marcelino Omahoy nga taga-Cabadbadran City kinsa empleyado ni Amado Noble Jr nga taga-Talakag,Bukidnon.
Namugos si Omahoy nga misugat kaniya ang mga biktima sakay sa motorsiklo hinungdan sa dugu-ong aksidente.
Nadala sa ospital ang mga biktima apan patay nang naatiman sa mga doktor.
