CAGAYAN DE ORO CITY-Angay idangop sa korte suprema ang wala pagsinabot sa kamarabaha ug senado kabahin sa paagi sa pag-usab sa batakang balaod.
Kini human nakit-an ni City Mayor Oscar Moreno nga dili klaro kon unsa’y angay subayon nga probisyon kon mahitabo nga dili magkauyon ang mga kongresista ug mga senador sa paagi aron tukion ang charter change.
Giangkon ni Moreno nga mas paborabli ang constitutional convention o ConCon apan suportado gihapon usab niini ang constituent assembly o Con-Ass nga gusto ni Pres Rodrigo Duterte.
Hisayrang miani’g mga reaksyon ang lakang sa kamarabaha nga motuki sila sa charter change bisan walay partisipasyon sa senado.
