CAGAYAN DE ORO CITY-Giangkon sa Special Investigation Task Group o SITG- Rotoras nga natumbok na nila ang suspek nga utok sa kamatayon ni USTP president Dr Ricardo Rotoras.
Kini human ang kapi’g usa ka bulan nga pag-imbestigar sa mga tawo nga hayan adunay kasayuran ug kalabutan sa pagpusil-patay kang Rotoras ning syudad niadtong Disyembre 2017.
Gibutyag ni SITG-Rotoras spokesperson C/Insp Mardi Hortillosa nga maoy gihulat sa mga imbestigador ang pagbaton sa lig-ong mga ebedensiya aron magamit pag-file sa kaso sa piskalya.
Gipasabot ni Hortillosa nga gihilom lamang una sa SITG-Rotoras ang kalambuan sa kaso aron dili sila masumbalikan sa panahon nga mabutyag na kini sa publiko.
