CAGAYAN DE ORO CITY-Giangkon ni Comelec regional director Reynato Magbutay nga adunay mga hungihong nga iyang nadunggan nga posibleng isibog na usab ang Brgy ug SK elections sa nasud.
Apan gitin-aw niini nga magpadayon gihapon ang ilang mga preparasyon sa umaabot piliay hangtud walay ipaggawas nga hukom ang Kongreso may kalabutan sa election postponement.
Hisayran nga gisugdan na sa ahensya ang pagpamilit sa pangalan sa mga botante sa umalabot piliay.
Apan masaligon si Magbutay nga dili ma-oktaba ang Brgy ug SK elections sa nasud.
Si Magbutay miingon nga imposible na kini nga mahitabo ilabina nga nakaggasto na ang ilang ahensiya sa pagpalit sa mga gamit nga gikinahanglan sa piliay.
Asoy pa niini nga apiki na usab aron i-oktaba sa mga magbabalaod ang umalabot piliay.
Subling gitin-aw ni Magbutay nga ila nang hulatan ang hukom sa Kongreso.
