Namugos si House Prosecution Spokesperson ug kanhi magbabalaod nga si Robert Ace Barbers nga ang ebidensya maoy mupamatuod kung unsang nahitabo ug dili ang diktar sa survey ang magbuot sa desisyon sa impeachment trial batok kang Vice President Sara Duterte.
Gihimo ni Barbers ang pahayag sa press conference nga gilusad sa House Prosecution Panel.
Alang kang Barbers, lig-on ug kasaligan ang ilang mga ebidensya bisan pa nga dili kini makita sa mga survey nga nakapokus sa pamulitika.
Dugang pa niini nga ang importante, masabtan sa publiko ang mga isyu nga gituki sa impeachment proceedings.
Gitin-aw sa prosekusyon nga ang hustong pagresolba sa kaso kinahanglan ibase sa ebidensya nga gipresentar sa korte.
