CAGAYAN DE ORO CITY-Malaumon ang Philippine Charity Sweepstakes Office o PCSO nga modako ang ilang kita ning tuiga. Kini tungod sa hugot nga kampaniya sa kapolisan batok sa mga illegal nga pasugal.
Matud ni PCSO Manager Divina Salvacion nga mapasalamaton siya sa PNP tungod kay ilang gi-aksiyonan ang problema sa illegal gambling.
Kahinumduman nga mihinay ang kita sa ahensiya tungod sa mga naghitak nga ilegal nga pasugal.
Hisayrang tungod sa mando ni Pres Rodrigo Duterte nga ipakusog ang anti-illegal gambling operations,gipatuman ni PNP regional director C/Supt Timoteo Pacleb ang ‘one strike policy’ batok sa iyang mga hepe nga pakyas pagsanta niini.
