CAGAYAN DE ORO CITY- Patay ang criminology graduating student sa pagka-pulis nga nabanggaan diha sa Brgy Bugo ning syudad.
Giila ang biktima nga si Joseph Tambig,21 anyos ug tinun-an sa Tagoloan Community College sa lalawigan.
Namugos ang 18-wheeler truck driver nga si Jerry Bagdan nga daan nang nabuy-od ang biktima hinungdan nga naligsan niya kini kagahapong adlawa.
Nangayo’g pasaylo ang suspek sa pamilya sa biktima.
Detinado na sa Puerto Police Station ang suspek samtang mag-atubang sa kasong kriminal sa piskalya ning syudad.
