CAGAYAN DE ORO CITY-Gihupay sa kasundaluhan ang pagbato’g balik sa kabalaka sa expose ni MILF chairman Al-Hajj
Murad Ebrahim nga mohimo’g laing pag-atake ang nabiling grupo sa Daesh-ISIS nga pabiling naglihok sa Mindanao.
Kini human unang gibutyag ni Murad nga hayan mahitabo ang ikaduhang urban warfare sama sa pag-atake sa Maute-ISIS sa Marawi City kon mapakyas ang gobierno pagsanta sa Muslim radicals sa Mindanao.
Miingon si Joint Task Force Ranao deputy commander Col Romeo Brawner nga andam sa kanunay ang militar aron santaon ang pagpanghasi sa mga terorista.
Gani,sulod sa Enero ning tuiga may tulo ka hugna na sa mga engkuwentro ang nahitabo dihang gilusad sa militar ang operasyon batok Daesh-ISIS sa pipila ka lungsod sa Lanao del Sur.
