CAGAYAN DE ORO CITY-Nahunong ug nasira na ang pipila ka illegal nga outlets sa Small Town Lottery o STL nga naglihok sa sentrong bahin sa dakbayan.
Kini subay sa giingong kusganong kampanya sa kapolisan batok sa naghitak nga ilegal nga pasugal sa syudad.
Gihimo ni C/Insp Mardi Hortillosa,tigpamaba sa Cagayan de Oro City Police Office o COCPO ang kumpirmasyon subay sa validation report gikan sa mga station commander nga milusad sa operasyon kontra illegal STL operations.
Una niini,misubmitar sa listahan ang PCSO ug hugpong sa mga legitimate STL outlets sa PNP aron direktang aksyonan ang paghitak sa mga illegal financier ug operators sa dakbayan.
Samtang gikontra sa legitimate STL operator ang pasiatab sa kapolisan nga nasumpo na ang illegal gambling operations sa mga financier nga naglihok sa dakbayan ug lalawigan.
Kini human naglugwa sa press release ang Cagayan de Oro City Police Office o COCPO diin namugos nga wala na’y
naglihok nga illegal STL outlets sa syudad.
Miingon si retired Police Supt Roque Marban kinsa kabahin sa legitimate STL operator nga bakak ang gipanulti sa kapolisan sa syudad.
Gihagit usab ni Marban ang mga opisyal sa syudad nga butanga’g ngipon ang pagpatuman nila sa balaod batok sa paghitak sa illegal nga pasugal sa syudad.
