CAGAYAN DE ORO CITY-Gimatud-an ni Pres Rodrigo Duterte nga sinsiro kini sa saad nga subli ipabarog balik gikan sa dakong kadaot ang Marawi City.
Kini human mibalik sa laing higayon si Duterte diin gipanguluhan ang inagurasyon sa Bahay Pag-asa aron may kapuy-an ang libuang Maranao Muslims nga nawad-a’g pinuy-anan tungod sa lima ka bulan nga giyera sa maong syudad sa miaging tuig.
Subli nangayo’g pasaylo si Duterte sa nahitabo sa Marawi City hinungdan nga wala usab undangi niini nga ipabangon pagbalik ang katawhan nga apektado sa kagubot nga hinimuan sa grupong Maute-ISIS sa miaging tuig.
Hisayrang tungod sa pag-atake sa grupong Maute-ISIS,daghang mga sibilyan ang nagkatibulaag dihang gitubag sa gobierno pinaagi sa giyera nga milungtad sa lima ka bulan sa tuig 2017.
