CAGAYAN DE ORO CITY-Giawhag karon ang magsoong Jorjano ug Dadercilo Binalay nga boluntaryo nang motahan sa kapolisan sa syudad.
Kini aron atubangon ang pasangil nga gitabangan nila’g dunggab-patay ang sikad-driver nga si Napoleon Quimada sa Ilaya, Brgy Carmen ning syudad kaganihang kadlawon.
Miingon ang kapikas ni Jorjano nga si Mary Ann Binalay nga unta dili langanon sa magsoon ang pag-surrender aron malikayan magbug-at ang ilang salaod.
Una niini, mismo nadunggan ni Mary Ann nga may gisabutan ang magsoon kagabii ug pagka-kadlawon misugat kaniya ang balita nga gipatay nila si Quimada kinsa tulog sa pagdunggab samtang sakay sa sikad.
