CAGAYAN DE ORO CITY-Gihupay sa militar ug kapolisan ang gibati nga kabalaka sa publiko kabahin sa report nga nakasulod na ang dugang 40 ka foreign terrorists sa Mindanao.
Kini human unang migawas gikan sa AFP Western Mindanao Command nga miagi sa kadagatan ang maong mga terorista aron subli manghasi sa katawhan mga lugar sa Mindanao.
Miingon si Joint Task Force Ranao deputy commander Col Romeo Brawner nga padayon ang ilang pag-validate sa impormasyon batok sa maong mga grupo.
Una nang gikompirmar ni MILF chairman Alhadz Murad Ebrahim nga may lain unta nga ilusad nga pag-atake ang mga nabiling sakop sa Maute-ISIS sa pipila ka syudad sa Mindanao apan napugngan tungod sa hugot nga pagbantay sa militar ug kapolisan.
