CAGAYAN DE ORO CITY-Gisaway ni City Mayor Oscar Moreno ang giingong pagpasagad ni Gov Bambi Emano nga maatiman ang kalidad sa serbisyo sa walo ka provincial hospitals nga nakabase sa lalawigan.
Kini human nabantayan ni Moreno nga naka-pokus lamang si Emano sa pito ka ospital ug daw napasagdan ang laing balay-tambalanan nga tinukod sa OWWA diha sa Alubijid ning lalawigan.
Miingon si Moreno nga trabaho sa provincial govt nga masiguro nga mamintinar ang batakang serbisyo sa mga ospital nga giingong wala atimana sa lalawigan.
Si Moreno ang kamulong tukod na sa dugang duha ka ospital dinhi sa syudad.Samtang naglikay pagtumpang si Emano sa pagsaway ni City Moreno kabahin sa paagi sa pagdumala niini sa mga provincial hospital sa lalawigan.
Miingon si Emano nga wala pasagdi ang pagdumala sa mga ospital gawas lamang naglisod sila pagkumbinsir sa Dept of Health nga makapasar sa standard ang OWWA funded hospital sa Alubijid ning lalawigan.
Miingon si Emano nga depektoso ang pagtrabaho sa maong ospital sukwahi sa pasangil nga wala kini mahatagi’g prioridad ubos sa health care program sa probinsya.
