CAGAYAN DE ORO CITY-Gipangayo karon sa mga residente nga ipadali na ang paghuman sa bilyong balor sa mega dike project nga ipahimutang sa flood prone areas ilabina sa Brgy Macasandig ning syudad.
Kini maoy nadunggan sa mga nagpatuman sa proyekto ilabina sa Department of Public Works and Highways o DPWH Central Office dihang dunay public consultation sa maong brgy kagahaning buntag.
Miingon si DPWH central office Engr Gil Entoralde nga paningkamutan nila nga mapatuman sa hingpit ang maong proyekto nga nalangan sa pila ka tuig tungod sa pipila nga nagbabag niini.
Hisayrang sa miaging mga bagyo ilabina sa bagyong Sendong, grabeng apektado ang Brgy Macasandig diin daghang kinabuhi sa tawo ang namatay ug dako ang kadaot sa mga kabtangan niini.
