CAGAYAN DE ORO CITY-Wala giminusan sa kapolisan ug militar ang security alert level sa syudad batok sa hadla sa terorismo ilabina sa grupong Maute-ISIS nga nakabase sa Lanao del Sur.
Kini ilabina nga nagkaduol ang kasaulugan sa semana santa diin daghang tawo ang mohimo’g sakrispisyo dinhi sa rehiyon.
Gibutyag ni C/Insp Mardi Hortillosa,tigpamaba sa Cagayan de Oro City Police Office nga kuyog ang milangkob sa Martial Law Special Action Group o ML-SAG,nagpabilin ang alert level 5 sa syudad aron masiguro ang seguridad sa katawhan.
Gani,naghulat lamang ang ML-SAG sa higayon aron masikop pinaag sa security checkpoints ang mga tawo nga tuyo mohasi dinhi sa syudad.
