CAGAYAN DE ORO CITY-Kasuhan sa kapolisan sa piskalya ang tulo ka lalaki nga unang nakuhaan sa gitoohang drogang marijuana sa Paseo del Rio,Brgy Nazareth sa syudad.
Kini human giandam na sa kapolisan ang kaso aron ipasaka batok kanila ni Francisco Jr ug Stephene Neri ingon man ni Don Cladio Absin sa nakompiskar nga balor uno milyon pesos nga pinauga nga dahon sa mga marijuana.
Miingon si Sr/Insp Maricris Mulat,hepe sa City Drug Enforcement Unit nga posibleng sakop sa dakong sindikato ang mga suspek nga tig-suplayan sa marijuana sa syudad.
Una niini,gihimakak sa mga suspek nga illegal ang ilang gihimo kay may business permit sila gikan sa giapilan nila nga kooperatiba nga nakabase sa Iligan City.
