CAGAYAN DE ORO CITY-Gikompirmar sa Commission on Elections kon Comelec-10 nga mahinayon ang Barangay ug SK eleksyon karong bulan sa Mayo.
Kini ang gihimong kumpirmasyon ni Election Supervisor Atty Palmer Palamine atol sa programang Good Morning Philippines.
Si Palamine miingon nga andam na ang ilang ahensiya sa umalabot piliay ilabina nga may gisunod sila nga calendar of activities base sa nakalatid sa Resolution No. 10246.
Apan giiangkon usab ni Palamine nga naa pa gihapoy posibilidad nga ma-postpone ang piliay.
Kini nunot na sa mga hungihong nga adunay mga magbabalaod ang nagduso og resolusyon nga i-postpone kini.
Apan gitin-aw ni Palamine nga kulang na sa panahon ang mga magbabalaod nga i-postpone ang piliay ilabina nga mohimo pa sila’g pagdungog kalabot na sa maong sugyot.
Nahatag na lamang siya ug pahimangno sa mga magpapili sa umalabot Barangay ug SK eleksyon nga dili mangilad sa mga impormasyon nga ilang ibutang sa pag-fill up sa mga porma.
Sya miingon nga mag-atubang sa bug-at nga silot ang bisan kinsang magpapili nga dili magtug-an og tinood.
Maoy gipasabot ni Atty Palamine ang mga magpapili nga adunay ig-agaw kutob sa 2nd degree nga kasamtangang opisyal sa barangay.
