CAGAYAN DE ORO CITY-Gipangita sa kapulisan ang drayber sa trak nga nakaligis-patay sa laing truck driver sa national highway sa lungsod sa Tagoloan,Misamis Oriental kagabii.
Igo lamang nag-ilis sa ligid sa sakyanan daplin sa highway ang biktima nga si Rene Catagbo,42 anyos,minyo ug nagpuyo sa lungsod sa Quezon,Bukidnon dihang nahitabo ang aksidente.
Napunggit sa naghaguros nga sakyanan ang biktima samtang nag-ilis sa ligid hinungdan sa aksidente.
Nakaangkon sa daghang bun-og ug samad ang biktima hinungdan gidala pagdala sa Northern Mindanao Medical Center apan gideklarar kini sa mga doktor nga dead on arrival.
