CAGAYAN DE ORO CITY-Miapelar ang pamilyang Albasin sa publiko ilabina sa social media nga dili una hukman ang
gidangatan ni Myles Albasin nga nadakpan sa militar didto sa Negros Oriental.
Kini human dili tiaw nga batikos ug pagbiay-biay ang nadawat ni Myles gikan sa social media dihang kabahin sa nasikop kuyog ang laing lima ka batan-on nga gidudahang miembro sa New People’s Army o NPA.
Miingon ang inahan ni Myles nga si Grace Albasin kinsa kanhi editor- in-chief sa Sunstar Cagayan de Oro nga wala pa masugdi ang pagtaral sa kaso korte hinungdan nga likayan una ang mga dili maayong pulong batok kanila.
Gani,mismo siya ang nakadawat na’g bahad sa kinabuhi tungod sa ilang baruganan sa mga isyu sa katilingban.
Si Myles kinsa iskolar sa University of the Philippines-Cebu ang mi-graduwar sa kursong Mass Communication ang giingong may tinguha pa unta motungha sa pagka-abogado.
