CAGAYAN DE ORO CITY-Gihupay sa PDEA-10 ang kabalaka sa publiko nga hayan mahimong gawasnon ang suspected druglord nga si Lovely Adams Impal nga unang nadakpan sa Brgy Pala-o,Iligan City niadtong Enero 2017.
Kini human kabahin si Impal sa pipila ka suspected druglords nga gi-abswelto sa National Prosecution Service o NPS sa kasong drug trafficking sa piskalya sa kauluhan.
Miingon si PDEA agent Ben Calibre nga may kaugalingong kaso sila nga gipasaka batok Impal ilabina ang kalapasan sa section 5 ug 11 sa Dangerous Drugs Act of 2002 dihang nakuhaan nila kini’g balor 500-mil pesos nga shabu.
Si Impal ang gitumbok ni suspected druglord Kerwin Espinosa nga kabahin sa iyang gikuhaa’g kinilo nga shabu aron ibaligya sa katawhan sa Eastern Visayas ug ubang bahin sa Mindanao.
