CAGAYAN DE ORO CITY-Gihagit sa committee on public utilities sa konseho ang board of directors sa Cagayan de Oro Water District o COWD nga mang-resign sa ilang katungdanan.
Kini kon makit-an sa himoong pakisusi nga dunay tinunto ang COWD board of directors sa pakig-kontrata sa kompanyang Metro Pacific isip water supplier sa syudad.
Miingon si Kag Eric Salcedo,chairman sa committee on cooperatives ug miembro sa komitiba sa public utilities nga pag-abuso sa gahom ang gihimo sa board of directors.
Kini tungod sa pagtangtang kang COWD General Manager Engr Rachel Beja nga nangayo lama’g katin-awan sa kontrata tali MetroPac.
Samtang naglikay mo-komento si acting COWD General Manager Engr Beinvenido Batar Jr sa hagit ni Salcedo nga mang-resign ang naglangkob sa ilang board of directors.
Kini human unang mihimo’g special report si Salcedo sa konseho tungod sa pag-terminate kang Beja isip general manager sa COWD.
Miingon si Batar nga maoy pukos niini ang tahas nga gisangon kaniya sa hunta direktiba sa ahensiya.
Naglangkob sa COWD board of directors sila si Eduardo Roa Montalvan isip chairman;Atty Mateo G.Delengencia nga vice chairman;Soc Antonio del M.Rosario isip secretary;Dr Hilly Roa Quiaoit nga asst secretary ug member Concepcion Roa Quiblat.
Nasuta nga matag-usa sa board of directors ang tigdawatan sa 30-mil pesos nga honorarium kada-bulan sa OWD.
Gawas niini,may 7-mil pesos pa sila nga dawaton isip expenses refunds.
