CAGAYAN DE ORO CITY-Moabot sa P30-mil ka pesos ang damyos sa dihang nahunog ang stock room o bodega sa Iponan National High School diha sa Brgy Iponan ning syudad.
Matud ni F03 Samson Villarde, ang imbestigador sa BFP nga ilang giimbestigaran ang posibilidad nga upos sa sigarilyo ang hinungdan sa sunog.
Paspas ang pagkaylap sa kalayo tungod kay gama lamang sa light materials ang maong bodega ug napuno kini sa mga bangko nga kahoy.
Samtang nagtoo si Iponan National High School principal Sylvio Carceller nga gibinuangan sa mga bugoy ang ilang bodega hiungdan nga nasunog.
Sa pakighinabi sa Bombo Radyo,gibutyag niini nga gituyo ang paglabay sa upos sa sigarilyo sa maong lawak-saringan ilabina nga daplin sa kalsada kini nahimutang.
Siya miingon nga ila pa untang tul-iron ang mga bangko nga gibutang sa maong bodega nga kabahin sa naugdaw tungod sa sunog.Pa-imbestigaran ni Carceller sa mga pulis kon kinsa ang nagbinuang sa ilang bodega.
