CAGAYAN DE ORO CITY-Gikalipay sa Comelec-10 ang pasalig ni Senate Pres Koko Pimentel sa publiko nga mahinayon ang Brgy ug SK elections karong Mayo 14 ning tuiga.

Sumala ni Comelec regional director Atty Renato Magbutay nga nahagkap ang ilang pamati sa dihang nahibal-an nila mismo kang Sen Pimentel nga dili ma-oktaba ang piliay.
Gani, gipasigarbo ni Magbutay nga anaa na sa 80 porsyento ang ilang preparasyon sa umalabot piliay.

Gitin-aw usab ni Magbutay nga materyales na lamang gikan sa kauluhan ang ilang gihulatan aron ma-kompleto ang ilang preparasyon sa umaabot nga piliay.

Si Magbutay miingon nga bisan sa mga hungihong kaniadto nga subling ma-oktaba ang piliay, nagpadayon gihapon sila sa ilang preparasyon.

Asoy pa niini nga maoy pinakaulahi nila nga himoon sa preparasyon ang pagpahigayo’g training sa mga magtutudlo nga magsilbing Board of Elections Inspectors o BEI.