CAGAYAN DE ORO CITY-Gihatagan sa hugot nga seguridad sa kapolisan ug militar ang libuang deboto nga dagsa sa kapistahan sa Divine Mercy Shrine sa Brgy Ulaliman,El Salvador City,Misamis Oriental.
Kini human gipasiguro ni Regional Peace and Order Council chairman City Mayor Oscar Moreno sa otoridad nga dili malutsan ang mga dautang tawo ang kabalaan sa maong kalihukan ning adlawa.
Miingon si El Salvador City Police Station commander Supt Jerry Tambis nga maoy gisangon usab ni Misamis Oriental PNP Provincial Director Sr Supt Rolando Destura nga isiguro nga dili makalusot ang mga butang nga gidili sa pagsulod sa maong lugar.
Nagtoo si Tambis nga malabwan pa ang 120-mil ka deboto nga nagbisita sa shrine sa tuig 2017 itandi sa kapistahan ning adlawa.
Nasayran nga gipatutukan usab ni Gov Bambi Emano sa PDRRMO inabagan sa CDRRMD ang mga deboto ilabina kon dunay simbako maglain ang mga pamati sa lawas atol sa kasaulugan.
