CAGAYAN DE ORO CITY-Gimandoan ni Pres Rodrigo Duterte si Iligan City Mayor Celso Regencia nga kuhaon ang padlock sa 1,300 housing units nga iyang gipasirad-an sa Bayanihan Village, Barangay Hinaplanon, Iligan City.
Kini human nakaabot kang Pres Duterte ang gihimo nga lakang ni Regencia diin iyang gipasirad-an ang mga panimalay nga alang unta sa mga biktima sa bagyong Sendong apan gibaligya kini sa tag-iya ngadto na sa mga bakwit sa Marawi sa kantidad nga P90-mil ngadto 200-mil pesos.
Si Defense Sec Delfin Lorenzana miingon nga nagtoo siya nga napalit gayud sa mga bakwit ang maong mga balay ug walay nahitabong ‘anti-fencing law’.
Gani, gibutyag ni Pres Duterte nga magpabilin una sa maong lugar ang mga bakwit hangtud dili makakita og solusyon ang gobyerno sa maong suliran.
