CAGAYAN DE ORO CITY-Giangkon ni Defense Sec Delfin Lorenzana nga supak siya sa hukom ni Pres Rodrigo Duterte nga ibalik ang peacetalks tali na sa Communist Party of the Philippines ug New People’s Army.
Kini tungod kay nakita niya nga dili seryoso ang mga komunista sa pagpatuman sa ceasefire.
Maoy gibasehan ni Lorenzana ang gihimo sa mga NPA sa miaging peacetalks diin daghang mga sundalo ug pulis ang gipangpatay sa mga rebelde.
Naglaum si Lorenzana nga seryosohon sa mga armado ang pagpatuman sa ceasefire.
Samtang tulo ka rason ang gibasehan ni Pres Duterte sa pagpabalik sa peacetalks tali na sa CPP ug NPA.
Matud ni Lorenzana nga usa sa mga bug-at nga rason ang kapin 4-mil ka miembro sa armadong grupo nga boluntaryong mitahan ug mibalik sa sabakan sa gobyerno.
Gawas niini, seryoso usab si Pres Duterte sa iyang laraw nga pahamtanga’g silot ang mga pribadong kompaniya nga gahatag sa revolutionary tax sa mga rebeldeng NPA.
