CAGAYAN DE ORO CITY-Gitahasan ni PNP regional director C/Supt Timoteo Pacleb ang tanang mga pulis inabagan sa militar nga hataga’g seguridad ang lain-laing opisina sa Commission on Elections o Comelec sugod ning adlawa.
Kini alayon sa pagdagsa sa mga botante nga moduso sa ilang sertipiko de kandidatura aron mopapili sa brgy ug SK elections sa Mayo 14 ning tuiga.
Partikular nga miingon si Cagayan de Oro City Police Office o COCPO spokepserson Supt Mardi Hortillosa nga bisan walay hot spot brgys sa syudad apan walay paghatag kumpiyansa ang PNP ug AFP sanglit ubos sila sa superbisyon sa Comelec.
Samtang gikinahanglang makita sa matag checkpoint area ang banner sa ilusad nga COMELEC checkpoint.
Kini ang gitin-aw ni Hortillosa sa pakighinabi sa Bombo Radyo.
Giawhag usab ni Hortillosa nga bantayan sa mga sibilyan ang mga pulis nga naka-assign sa mga checkpoint kon sila nagpasagad lamang sa mga trabaho niini.
Ipatuman sa COMELEC, PNP ug AFP ang checkpoint alayon sa unang adlaw sa Election period epektibo ning adlawa.
Nanawagan si Hortillosa sa publiko nga patas-an ang pasensya ilabina kon dunay biyahe nga ma-apektuhan tungod sa kahugot sa seguridad nga ilang ipatuman hangtud mahuman ang election period.
