CAGAYAN DE ORO CITY-Gitawag sa Department of Tourism (DoT) 10 nga fake news ang report nga pasirad-an ang Seven Seas Park nga nahimutang sa may Opol, Misamis Oriental.
Sumala pa ni DoT Regional Director Ma. Elaine Unchuan nga walay kamatooran ang maong report ilabina nga wala pa sila mahuman pag-ebalwar sa mga beach resorts nga ilang gipaubos sa inspection.
Si Unchuan miingon nga ang Seven Seas sa Boracay ang gikatakdang pasirad-an ug dili ang nahimutang sa lalawigan sa Misamis Oriental.
