CAGAYAN DE ORO CITY-Gihataga’g hugot nga seguridad sa kapolisan ug militar ang dul-ag 60 ka lugar nga makita sa upat ka probinsya sa rehiyon 10.
Kini human gi-rekomendar sa militar ug kapolisan sa Comelec-10 nga i-konsiderar nga election watchlist areas o EWAs ang pipila ka syudad ug kalungsuran sa Bukidnon,Misamis Oriental,Lanao del Norte ug Misamis Occidental.
Miingon si Comelec regional director Reynato Magbutay nga ang maong mga lugar ang kanhi dunay init nga political rivalries sa miaging mga piliay sa naglabay’ng katuigan.
Hinoon,ituki pa sa 2nd command conference sa Comelec kuyog ang militar ug kapolisan sa Mayo ning tuiga.
