CAGAYAN DE ORO CITY-Gitin-aw sa DENR-Environmental Management Bureau o EMB-10 nga wala magpasabot nga nagbaton na sa Environmental Compliance Certificate o ECC ang usa ka beach resort, wala na kini nahimo nga kasupakan sa balaod sa kinaiyahan.
Matud ni EMB regional director Sabdullah Abubakar nga ilang ga-isyuhan sa ECC ang matag beach resort aron mahatagan sila’g giya kung unsay angayang buhaton aron maprotehiran ang atong kinaiyahan.
Gibutyag usab sa maong director nga ila unang hataga’g ‘notice of violations’ ang beach resorts nga nakalapas sa gabayan sa DENR sa dili pa nila pasirad-an.
Si Abubakar miingon nga anaa na sa dul-ag 200 ka mga establishments ang ilang gipaubos sa pakisusi.
Apan gitin-aw sa opisyal nga ila unang ipaubos sa ebalwasyon ang mga beach resorts nga ilang gipaubos sa inspection.
