CAGAYAN DE ORO CITY-I-presentar sa korte ang magtiayon ingon man ang ilang anak lalaki nga dunay kasong pagbaligya’g gidiling droga sa Ozamiz City.
Kini human nasikop ang mga suspek sila si Ozamiz City Councilor Rizalina Francisco ug iyang bana nga si Manuelito Francisco samtang nagtago-tago sa San Fernando,La Union.
Miingon si PNP regional director C/Supt Romulo Sapitula nga nasikop usab ang anak sa magtiayon nga si kanhi Brgy San Roque Kapitan June Francisco.
Gibutyag ni Sapitula nga kabahin ang magtiayon sa mga founder sa Parojinog Drug Group nga kanhi gipanguluhan ni late Ozamiz City Mayor Reynaldo ‘Aldong’ Parojinog Sr.
Gisikop ang mga suspek subay sa mando ni RTC Branch 15 Presiding Judge Edmundo Pintac sa Ozamiz City.
