CAGAYAN DE ORO CITY-Giawhag sa pipila ka brgy konsehales nga isalikway na sa katawhan ang liderato ni incumbent Brgy Kap Norbel Saa sa Brgy Macabalan ning syudad.
Kini human akusahi ni Macabalan Brgy Kag.Nestor Gonzaga sa pipila ka giingong kahiwian ang pagdumala ni Saa sa ilang lugar.
Giakusahan ni Gonzaga si Saa nga nakahimo’g anomaliya ilabina paggamit sa pondo sa brgy aron matibawas ang pagtukod ang ilang covered court ug overpriced nga street lights.
Si Saa tuyo magpasubli pagka-kapitan sa Brgy ug SK elections pinasikad sa iyang sulti nga daghan kini’g nahimo sa katawhan sa ilang lugar.
Samtang gisaway ni Saa ang daw pagpakabana ni Gonzaga sa mga nahitabo sa Brgy Macabalan sa syudad.
Kini human nagtoo si Saa nga tuyo lamang ni Gonzaga nga makakuha’g simpatiya gikan sa katawhan rason nga gibutang-butangan siya’g mga kasaypanan.
Miingon si Saa nga angay buhaton ni Gonzaga nga motabang na lamang sa mga programa sa brgy ug dili magsaba-saba nga may tataw nga motibo nga namolitika lamang.
