CAGAYAN DE ORO CITY-Nag-isig akusar sila ni incumbent Brgy Kap Ernesto Edrote ingon man si Kag Eron Neri kabahin sa ayuda ug pondo nga nadawat alang sa katawhan tungod sa kalamidad nga miagi diha sa Macasandig ning syudad.
Kini human gi-kuwestiyon ni Edrote ang sihag nga pagpanghatag ni Neri sa mga ayuda alang sa mga biktima sa bagyong Sendong sa ilang brgy kaniadto.
Apan,misumbalik usab sa pagkuwestiyon si Neri kon giunsa pud ni Edrote pagbahin-bahin ang mga tabang alang sa mga biktima dihang miagi ang bagyong Vinta sa syudad sa miaging tuig.
Si Edrote ug Neri ang magka-atbang alang sa pagka-brgy kapitan sa Brgy ug SK elections ning tuiga sa ilang lugar.
