CAGAYAN DE ORO CITY-Pagkabilanggo sa tibuok kinabuhi ang silot sa Pinay ug live-in partner niini nga Kano human mag-atubang sa kasong two counts of rape through Sexual Assault ug Qualified Trafficking in Persons o RA 9208 sa Opol, Misamis Oriental niadtong tuig 2014.
Giila ang mga suspek nga sila si Jouke Mulder ug ang Pinay nga si Gina Abragan Caburatan pulos residente sa maong lugar.
Base sa report, gi-molestiya sa langyaw ang duha ka pag-umangkon sa Pinay nga nag-edad 10 hangtud 15-anyos pinaagi sa pagpasulod sa tudlo niini ug pagbutang sa vibrator sa pribadong parte sa lawas sa menor de edad.
Dugang pa sa mga biktima nga ang ilang ayaan nga si Caburatan mao ang tigkuha kanila’g hulagway nga hubo ug i-upload sa computer.
Hisayran nga anaa sa kustodiya nila ni Mulder ug Caburatan ang duha ka menor de edad tungod kay ila kining gipa-eskwela.
