CAGAYAN DE ORO CITY-Samaron ang tulo ka sundalo dihang nakigpinusilay ang armadong grupo ni kanhi Kibawe Brgy Kapitan Tarsicio Barros sa Kibawe,Libona,Bukidnon.
Kini samtang gisilbi ang search warrant sulod sa compound niini sa kaganihang kadlawon.
Kini human giingong misukol sa kapolisan si Barros samtang gisilbi unta sa kapolisan ug militar ang search warrants.
Miingon si CIDG chief investigator SPO4 Noel Oclarit nga gilusob sa mga otoridad ang pinuy-anan ni Barros tungod sa report nga nagbaton kini’g gidiling droga ug mga armas.
Gibutyag nga giingong sakop sa grupong Parojinog si Barros.
Kabahin sa naaresto ang kapikas ni Barros nga si incumbent Kibawe Brgy Kap Cherry Barros ug laing siyam ka tawo nga nasikop.
