CAGAYAN DE ORO CITY-Padayon ang pag-imbestigar sa kapolisan sa pagpanulis sa usa ka opisyal sa kooperatiba nga nag-withdraw sa 5 milyon pesos sa bangko sa Malaybalay City,Bukidnon.
Kini human tulisa sa armadong grupo ang biktima nga si Medardo Sajonia,62 anyos,minyo ug nagsilbing manager sa ACDI Multi-Purpose Cooperative Bukidnon Office sa maong lugar.
Gibutyag ni Sr/Insp Julius Saluta,deputy commander sa Malaybalay City Police Office nga pag-abot ni Sajonia sa ilang buhatan,may naghulat nga tulisan ug gilayong sakmit sa bag nga nakasulod ang kuwarta.
Dili pa igo,gipusil pa sa suspek ang biktima hinungdan nga samaron kini ug nadala sa ospital.
Gilayong naghimo’g pursuit operations ang kapolisan ug militar diin pipila sa mga suspek ang nasikop ning panahona.
