CAGAYAN DE ORO CITY-Gipusil tungod sa giingong love triangle ang usa ka amahan samtang anaa gawas sa gi-rentehang lawak diha sa Sto Nino,Agora,Brgy Lapasan sa syudad kagabii.
Giila ni Agora Police Station commander S/Insp Dennis Quiranda ang biktima nga si Robin Estrada Jr,hingkod ang panuigon,bulag sa kapikas ug residente sa lugar.
Sigun sa ig-agaw niini nga si Celeste Abao nga gika-estorya sa biktima ang gika-relasyon niini nga babaye dihang gipusil sa wala mailang suspek ang iyang wala nga bahin sa ulo.
Gipasuta pa sa mga otoridad kon tinood ba nga mipusil sa biktima mao ang bana sa gika-relasyon niini nga babaye kinsa giingong ex-convict.
Kritikal pa gihapon ang biktima samtang anaa sa ospital ning syudad.
