CAGAYAN DE ORO CITY- Ipaubos na sa subsob nga pagbansay sa Commission on Elections Region 10 ang mga magtutudlo nga mosilbi sa piliay sa barangay ug Sangguniang Kabataan o SK sa Mayo 14,2018.
Miingon si Comelec regional director Reynato Magbutay nga gihan-ay na nila ang mga schedule alang sa training sa mga magtutudlo nga magsilbing board of election tellers o BET sa piliay.
Dugang ni Magbutay nga himoon ang BET trainings sa hinapos nga bahin sa Abril ning tuiga.
Gibutyag ni Magbutay nga angay lamang iagi sa trainings ang BETs ilabina nga mas hago ang BSKE itandi sa automated elections.
Dumduman nga sa 2-mil 022 ka barangay sa rehiyon,anaa sa dul-ag 60-mil ka kandidato ang nakaduso sa ilang kandidatura sa Comelec sa miaging semana.
