CAGAYAN DE ORO CITY-Gisaway ni Citizens Watch for Good Governance convenor Atty Antonio Soriano ang bahad ni Pres Rodrigo Duterte nga mo-resign sa pwesto kun ugaling dili mapasar ang Bangsamoro Basic Law karong bulan sa Mayo.
Kini sa pagtoo sa presidente sa nasud nga mao ang sulbad sa nasinatiang kagubot sa Mindanao.
Si Atty Soriano miingon nga dili angayang dali-dalion ang pagpasar sa BBL ilabina nga ang mga taga-Mindanaons maoy maapektuhan ug mag-antos kun ugaling mapalpak kini.
Matud ni Soriano nga walay kaseguradohan nga pinaagi sa BBL, wala nay kagubot o panagbingkil nga mahitabo tali na sa mga Muslim-Maranao.
Mas maayo nga buhaton ni Pres Rodrigo Duterte nga konsultahon ang matag lider sa mga tribu.
