CAGAYAN DE ORO CITY-Padayong gi-validate sa kadagkuan sa PNP -10 ang report bahin sa giingong ‘massive recruitment’ sa Maute-ISIS group sa Lanao del Norte ug Iligan City.
Miingon si PNP-10 spokesman Supt. Lemuel Gonda nga basi sa ilang inisyal nga pagsusi,walay lig-ong basihan sa nasampit nga report.
Apan namahayag si Gonda nga dili angayang mabalaka ang publiko nga hugot ang ilang koordinasyon sa militar aron masanta ang posibleng plano sa teroristang grupo.
Una niini,mismo ang kasundaluhan nag-kumpirmar nga miabot na sa Iligan City ang recruitment sa nabiling terorista aron ipakusog ang ilang puwersa batok gobierno.
