CAGAYAN DE ORO CITY-Subli gipakita sa Miss Earth Earth beauties ang ilang suporta sa mapangahason nga hukom ni Pres Rodrigo Duterte nga isira sulod sa unom ka bulan aron ipaubos sa total rehabilitation efforts ang Boracay Island sa lungsod sa Malay,Aklan.
Kini ang baruganan sa pagpangulo ni 2017 Ms Earth Karen Ibasco nunot sa temporaryong pagpahunong sa business operations sa mga kapitalista diin libuang mga trabahante ang apektado kay isalbar ang kahimtang sa isla nga napuno sa hugaw.
Gibutyag ni Ibasco kuyog si 2017 Ms Earth Fire Nellza Bautista ug ang 14 ka delegado sa 2018 Ms Earth Philippines nga dili lamang angay makatutok sa negosyo ang hisgutanan apan kinahanglan ang lahutay nga proteksyon sa kinaiyahan.
Giklaro ni Ibasco nga wala sila’y gikontra apan giila usab nila ang gipatuman nga hukom sa gobyerno aron mapabalik ang kahimtang sa Boracay.
Gipasabot ni Ibasco kauban ang Ms Earth sa pagpalambo sa ekonomiya ilabina sa Pilipinas apan angay usab hataga’g proteskyon ang kinaiyahan aron dili maglisod ang sunod nga henerasyon.
Sila Ibasco ug Bautista ang miuban sa 14 ka official candidates alang sa mini-fashion show sa Cagayan de Oro City ug bisan pagbisita sa tourist spots sa Misamis Oriental ning semanaha isip kabahin sa Ms Earth 2018 activities.
