CAGAYAN DE ORO CITY-Giangkon sa Iligan City Police Office nga naglisod sila sa pag-ila sa suspek sa pagpatay sa usa ka Geodetic engineer sa Tablon, Digkilaan, Iligan City.
Ang biktima giila nga si Engr. Joseph Silva Pontivera, 32 anyos, residente sa Gerona, Tambo sa maong lugar.
Gipusil ang biktima kuyog ang mga kauban niini nga sila si Ryan Bulay-og ug Jumar Salcedo samtang nagtaod sa “no trespassing” nga tarpaulin.
Nakaangkon sa upat ka samad pinusilan sa iyang lawas si Pontivera nga maoy hinungdan sa iyang kamatayon samtang nakatago ang laing kauban niini.
Gidala pa sa ospital ang biktima apan gideklarar kini nga dead on arrival.
