CAGAYAN DE ORO CITY-Ralihan sa 3-mil ka sakop sa progresibong pundok nga gilangkuban sa daghang sektor ang gobierno alayon sa adlaw sa mga mamumuo sa Mayo 1 ning tuiga.
Kini aron singlon ang gisaad ni Pres Rodrigo Duterte nga pagwagtang sa kontraktuwalisasyon sa mga trabahante sa nasud.
Miingon si Kilusang Mayo Uno-Northern Mindanao Secretary General Wildon Barros nga makig-hiusa sila sa grupong ALU-TUCP-10 diin ipanawagan ang pagbasura sa contractualization labor nga gipahamtang sa mga employer sa ilang mga trabahante.
Dugang ni Barros nga gikan pa sa ubang bahin sa rehiyon ang moduyog sa kalihukan sa Labor Day celebration ning semanaha.
Samtang tanyagan sa gobierno pinaagi sa local ug overseas employment companies sa
14-mil ka job vaccancies ang mga aplikante sa trababo dinhi sa rehiyon.
Kini alayon sa kasaulugan sa adlaw sa mga mamumuo nga ilusad sa DOLE-10 sa Mayo 1 hangtod 2 ning tuiga.
Miingon si DOLE Director JV Vasallo nga himoon ang duha ka adlaw nga job fair sa Atrium,Limketkai Mall sa Brgy Lapasan ning syudad.
Dugang ni Vasallo nga anaa sa 6-mil ka overseas job opportunities ang naghulat sa gustong mag-abroad samtang walo ka libo usab ang alang sa local employment o dinhi lamang sa nasud.
