CAGAYAN DE ORO CITY-Gikompirmar sa Department of Labor and Employment o DOLE-10 nga ila nang gisugdan ang paglista ang mga kompaniya nga nagpatuman sa labor-only contracting sa rehiyon-10.
Matud ni DOLE regional director Jeoffrey Suyao nga nalipay sila sa gihimong aksyon ni Pres Rodrigo Duterte tungod kay misunod na ang company owners.
Gani, may gihimo sila nga laing istratehiya aron mapadali ang pagtumbok sa mga kompanya nga wala makasunod sa labor code.
Nasayran nga unang gihagit ni ALU-TUCP legal counsel Atty Proculo Sarmen si Suyao nga tinud-on ang pagsilot sa mga kompanya nga nakalabas sa labor laws ilabina sa dili pag-regular sa mga empleyado niini.
