CAGAYAN DE ORO CITY-Susama sa usa ka hayop ang pagtagad sa pipila ka employers sa mga Pinay domestic helper sa Kuwait.
Matud ni Kuwaiti international correspondent Zia Villote nga taga Wao, Lanao del Sur nga tinood nga adunay pipila ka mga employer ang gabaligya’g Pinay domestic helpers kun ugaling dili sila maangayan.
Ang mas nakapait pa kay ga-ibaligya sila sa employers nga lai’g batasan ug gamolestiya sa helpers.
Apan bisan niini, daghan gihapon mga Pinay ang gusto magpabilin sa Kuwait tungod kay walay trabahong gahulat kanila dinhi sa Pilipinas.
Nasayran nga nabalaka ang Kuwaiti employers nga mohawa ang tanang Pinoy workers subay sa hangyo ni Presidente Rodrigo Duterte nga manguli sa Pilipinas kay dili maayo ang tinagdanan kanila sa maong nasud.
