CAGAYAN DE ORO CITY-Nakompiskar sa kapolisan ang ubay-ubay’ng mga tag-as nga kalibre sa armas ug gidiling droga sa security agency nga iya sa wanted person nga si kanhi Misamis Occidental board member Ricardo ‘Ardot’ Parojinog sa Brgy BaΓ±adero,Ozamiz City.
Kini human gisilbi ni Ozamiz City Police Office commander C/Insp Jovie Espenido kauban ang Regional Mobile Force Batallion-10 sa MRPO Security Agency pinasikad sa mando sa korte.
Miingon si Misamis Occidental Provincial Police Office Director Sr/Supt Jeysen de Guzman nga kabahin sa nabawi ang M-16 rifle,9mm pistol,mga granada ug gitoohang shabu.
Si Parojinog ang dul-ag 10 ka bulan nang gipangita subay sa mando ni Pres Rodrigo Duterte tungod sa patung-patong nga kasong kriminal ilabina sa illegal nga droga.
