CAGAYAN DE ORO CITY-Gipanganti ni City Police Director Sr Supt Nelson Aganon nga inihap na lamang ang adlaw sa mastermind sa kamatayon ni USTP president Dr Ricardo Rotoras sa syudad.
Kini human gitigom ni Aganon ang bag-ong naglangkob nga miembro sa Special Investigation Task Group o SITG-Rotoras aron mahisgutan ang kahimtang sa kaso ni Rotoras.
Miingon si SITG-Rotoras spokesperson Supt Mardi Hortillosa nga kon kini ang giluwatan nga pahayag ni Aganon, nagkahulugan nga may dako na nga kalambuan sa kaso.
Dumduman nga gibisita sa magsoong Rotoras si Aganon sa miaging semana aron direktang sayron ang kalambuan sa kaso diin lima ka bulan na ang nakalabay sukad nahitabo ang kremin.
