CAGAYAN DE ORO CITY-Kasuhan unta sa kapolisan sa multiple rape ang amahan nga suspek sa pagpanglugos sa otso anyos nga ilang nadakpan sa diha sa Sitio Lumboy,Brgy Indahag sa syudad kagahapong adlawa.
Giila ni Cogon Police Station investigator SPO2 Marvin Bolanio nga posibleng dili na kini mahimo kay kalit namatay sulod sa selda ang suspek nga si Christopher Campuredondo.
Gisikop ang suspek kay positibo kining natudlo sa ginikanan sa giingong biktima hinungdan gipaubos sa imbestigasyon.
Apan nakurat sila kay kalit nagbula-bula ang baba sa suspek hinungdan nagtoo ang kapolisan nga gipatol o nagka-heart attack hinungdan sa kamatayon niini.
Samtang grabeng pagkulata hinungdan nga namatay ang gitumbok nga rape suspek nga lalaki samtang naka-kustodiya sa mini-cell sa Cogon Police Station ning syudad.
Kini ang pasangil ni Nerissa Candalinsa,kaipon ni Christopher Campuredondo batok sa kapolisan nga nakadakop niini sa Brgy Indahag ning syudad kagahapong adlawa.
Miingon si Candalinsa nga imposible ang gisulti sa mga pulis kay walay sakit sa kasingkasing ug patol ang iyang bana hinungdan nga ipaubos nila kini sa pag-otopsiya.
Midangop sa Bombo Radyo si Candalinsa aron mangayo’g tabang sa gidangatan sa kaipon niini.
