CAGAYAN DE ORO CITY-Gitoohang gi-atake sa sakit sa kasingkasing ang multicab driver nga residente diha sa Sitio Singapore,Brgy Balulang ning syudad.
Kini human patay nang nakit-an ang biktima nga si Jundy Tagab,40 anyos,minyo sa sulod sa iyang pinuy-anan sa maong lugar.
Miingon kapikas nga si Bibing Tagab nga nag-away sila sa biktima tungod lamang sa iya unta pag-apil sa sayaw alayon sa kapistahan sa ilang lugar.
Gibutyag ni Bibing nga nagselos ang iyang bana hinungdan nga nag-resulta sa dakong away.
Napugos paglakaw si Bibing kay gidagmalan kini sa biktima apan wala damha nga posibleng giatake siya sa sakit sa kasingkasing ug namatay.
